ജയിലര്‍ 1 എനിക്ക് മിസ്സായി, ജയിലര്‍ 2 ല്‍ മൂന്ന് കഥാപാത്രങ്ങള്‍ തന്ന് സെലക്ട് ചെയ്‌തോളാന്‍ പറഞ്ഞു: ഹക്കീം

ബ്ലോക്ക്ബസ്റ്റർ വിജയമായ 'ജയിലർ' ചിത്രത്തിന്റെ ആദ്യ ഭാഗത്തിലേക്ക് തന്നെ വിളിച്ചിരുന്നെങ്കിലും അവസരം നഷ്ടപ്പെട്ടതിന്റെ നിരാശ പങ്കുവെച്ച് നടൻ ഹക്കീം ഷാജഹാൻ. എന്നാൽ ജയിലറിന്റെ രണ്ടാം ഭാഗത്തിൽ ഹക്കീമിന് മികച്ച വേഷമാണ് ലഭിച്ചിരിക്കുന്നത് സിനിമയിലേക്ക് എത്തിയതിനെക്കുറിച്ചും, ചിത്രത്തിൽ 'ഷർവ കൽപക്' എന്ന കഥാപാത്രമായി മാറിയ അനുഭവത്തെക്കുറിച്ചും ഹക്കീം പറയുന്നു. വിവിധ ഘട്ടങ്ങളിലായുള്ള ലുക്ക് ടെസ്റ്റുകൾക്കും ഓഡിഷനുകൾക്കും ഒടുവിലാണ് സിനിമയിലേക്ക് എത്തിയതെന്നും ഹക്കീം റിപ്പോര്‍ട്ടര്‍ ഫിലിംസിന് നല്‍കിയ അഭിമുഖത്തില്‍ വ്യകത്മാക്കി.

'ജയിലര്‍ ആദ്യ ഭാഗത്തിലേക്കും വിളിച്ചിരുന്നു. അന്ന് ഒരു കഥാപാത്രത്തിനായി ലുക്ക് ഉള്‍പ്പെടെയുള്ള വിവരങ്ങള്‍ അയച്ചുകൊടുത്തിരുന്നു. എന്നാല്‍ പിന്നീട് ഫോളോ അപ്പ് ഉണ്ടായില്ല. ആ സമയത്ത് കഥയിതുവരെ എന്ന സിനിമയുടെ ചിത്രീകരണത്തിലായിരുന്നു. ജയിലര്‍ പടം കണ്ട് ഞാന്‍ ഭയങ്കരമായിട്ട് എക്‌സൈറ്റഡായി. കുമളിയിലായിരുന്നു പടം കണ്ടത്. തിയേറ്റര്‍ പൂരമ്പറമ്പാവുന്നത് വിറ്റ്‌നസ് ചെയ്തു. ഇതിലൊരു പാര്‍ട്ടാവാന്‍ പറ്റിയില്ലല്ലോ എന്ന് ആലോചിച്ചു. ജയിലര്‍ 2വിലേക്ക് വിളി വന്നപ്പോഴും ആദ്യ ഭാഗത്തിലേതുപോലെ തന്നെയായിരിക്കുമെന്നാണ് കരുതിത്.

എന്നാല്‍ ഇത്തവണ ലുക്ക് ടെസ്റ്റിനായി വിളിച്ചു. വിവിധ കഥാപാത്രങ്ങള്‍ക്കായി പരീക്ഷണങ്ങള്‍ നടത്തിയശേഷം മൂന്ന് ഓപ്ഷനുകള്‍ മുന്നിലെത്തി. എനിക്ക് ഒരു മൂന്ന് ഓപ്ഷന്‍ തന്നു. മൂന്ന് ക്യാരക്ടറില്‍ ഏത് വേണമെങ്കിലും ചൂസ് ചെയ്യാമെന്ന് പറഞ്ഞു. അത് ഭയങ്കര പ്രിവിലേജായിട്ടാണ് കാണുന്നത്. ആദ്യം മറ്റൊരു കഥാപാത്രമായിരുന്നു താരം തെരഞ്ഞെടുത്തത്. ആ കഥാപാത്രം തനിക്ക് ചേരുമോ എന്ന് പരിശോധിക്കാന്‍ ലുക്ക് ടെസ്റ്റും ഓഡിഷനും നടത്തി. എന്നാല്‍ അത് വര്‍ക്ക് ആയില്ല. ഒടുവില്‍ മൂന്നാമത്തെ ഓപ്ഷനായ ഷര്‍വ കല്‍പക് എന്ന കഥാപാത്രത്തിലേക്ക് എത്തുകയായിരുന്നു.

എന്തായാലും അതില്‍ ഭാഗമാകുക എന്നത് തന്നെ വലിയ കാര്യമാണ്. ഷര്‍വ കല്‍പക് എന്ന് പറയുന്ന ക്യാരക്ടറിന്റെ ലുക്ക് ഒറ്റ സ്‌ട്രെച്ചില്‍ തന്നെ കിട്ടിയിരുന്നു. കഴിഞ്ഞ വര്‍ഷം ജനുവരി, ഫെബ്രുവരി മാസങ്ങളിലാണ് ലുക്ക് ടെസ്റ്റ് നടന്നത്. ചിത്രത്തിന്റെ ഷൂട്ടിങ് പൂര്‍ത്തിയായത് ഏകദേശം ഒന്നര മാസം മുമ്പാണ്. റീഷൂട്ടുകളും ചെറിയ പാച്ച് വര്‍ക്കുകളും ഉള്‍പ്പെടെ ചിത്രീകരണത്തിന്റെ വിവിധ ഘട്ടങ്ങളുണ്ടായിരുന്നു; ഹക്കീം പറഞ്ഞു.

Content Highlights: Actor Hakeem Shajahan spoke about his involvement in Jailer 2, saying he made up for not being part of the first instalment through the sequel. His statement highlights his experience working on the Rajinikanth-starrer film.